موضوع: الله عليكي يا حواء السبت 29 مايو 2010 - 7:14
يولد الرجل هذا الكائن الغريب الاطوار والذى لا يرضيه اى شيىء بتاتا بعد ان يكون امضى تسعة اشهر كامله فى رحم والدته .. يريها كل صنوف العذاب و الوهن و التعب و الارهااق .. و كل امرأة تعلم جيدا ان سبحاان الله الحمل اللى يكدر ع الواحدة عيشتها لازما ولابد بيكون محروس مش محروسه .. اما حمل المحروسات الكتكوتات ياختى عليه و كأنه هوا نسمه الواحدة تحمل فى 10 بنات فبطن واحدة و لا تحملشى فى محروس واحد .. دا غيرما بيكون عامل دويتو هوا و ابوه الواد يزغد ف امه و ابوه يزعق .. دا رفسه و ابوه زعطه .. و الاب معروف علميا طبعا انه بيحس بنوع المولود من اول ما يعرف ان المدام حامل .. و يبتدى يدرب ابنه على الحمشنه المزعومه فيعلى صوته ليلا نهارا .. قال ايه عشان الجيران تحس ان فى فالبيت راااجل ... ما الجيران عارفه ياخويا من غير زعيييق اومال المحروس اللى فبطن المدام ده جيه منين بالانقساام ؟ انما هنقول ايه تلاكيك بيتلككها الراجل و السلاام عشاان يعلى صوته ف البيت .. تقوم الزوجه المطيعه الوديعه من الصبح تفرد سفرة 13 متر و لا كأن هولاكو و جنكيز خاان مجتمعيين هيقعدوا ياكلوا سوا .. اشى جبن و اشى بسطرمه و اشى بيض و اشى مربى و زبده .. ودا يقعد يحصد السفرة حصد فلا يترك فيها مقلى و لا مسلوق الا وقد افترسه تماما حتى انه لولا زحزحة المائدة الخشبيه من امامه لاجهز على طاولتها الزان و ارجلها الاربعه و فاكريين طبعا الحادثة الشهيرة المسجلة فيديو _الحمد لله_اما عبد العال اكل الفراخ بريشها و البيض اللى نازل يفرر و لا وابوور السااعه اتناشر فزوره من غير اى مشااكل "وفاكريين طبعا ازااى الست سكينة قعدت مووؤدبة و لا مدتش ايدها ناحية الاكل خاالس مالس اماالزوجه طبعا زى ما كووووولكم عارفين بتبقى نفسها مسدودة من التانى اللى فبطنها و ياعينى تفضل 9 شهوور فى حالة غممان و سدة نفس بشعه كل ما تستطيع تناوله فيها هو العيش النااشف و ربما بضعة اعواد من الجرجير و تأتى سااعة الولااادة .. تفضل المسكينة كاتمه الوجع اسبوووع لولا ما تهمس لزوجها يا حبيبي منكن نرووح المستشفى .. تلاقيه بيتسائل بدهشه ليه .. تقوله بهمس .. عشان اولد يا قلبى و اجيبلك ولى العهد واهنييك .. يتساائل فى دهشه اعظم هو انتى حامل !!! شوفتوا يا سادة .. ليه بقى بيسألها السؤال ده .. لانها من كترما هى مبتقصرش فى خدمته و بتكتم المها ومعاناتها مقدرش يحس باى فرق بين حالة انها مش حامل وانها حامل .. هى دى المرأة يا ساادة.. هى دى الست اللى بتشييل ادم طوول عمرها و تفضل تخدم فيه و تضحى من اجله وهو ابدا لا يقر بفضلها ولا يمتن لها .. و هى حتى لا تريد ان يمتن فالمرأة كما هو معروف علميا كائن متواااضع يؤثر الرجل على نفسه و دا طبعا كلام مؤكد فى كل الابحاث و المراجع ومفيهوش نقااش .. نيجي للولادة بقى و بعد ما قعدت تفهم فى جوزها اسبوووع انها لازم ترووح تولد و بعد ما تقنعه انه لازم يرووح معاها و تستنااه لحد ما يخلص ماتش الاهلى و الزماالك واحتمال لو الزمالك غلب الاهلى يقولها تستنى متولدش لحد ما يوصلوا للكاس و الاهلى يكسب طبعا الزوجة معرووف فى كل المراجع والكتب العلميه انها فى الحالات اللى زى دى .. بتستنى اكراما لزوجها العزيز ..
يروحوا ع المستشفى بعد كده .. و تزداد الااام الوضع و تصبر الام والزوجه عشان متوترش نفسية جوزها و ترسم ابتسامه حانية على شفتيها وكأنها فى جلسة جاكوزى مش فى حالة ولادة.. و تلاقيه هو متسربع يالا يالا يالا يالا .. طيب يجي يولد بدالها بقى هوا .. الحق عليها يعنى اللى بتولد بضميير .. انما هنقوول ايه .. طبع الرجل اللى مبيتغيرش .. تدخل غرفة العمليات و البيه يرووح يتاابع اى ماتش شغاال فى التلفزيون فى استراحةالمستشفى انشالله يكون بين ساحل العاج و الاسكيمو .. تلاقيه اول ماى اى فريق يفووز عماال ينط ف السقف و يبووس فى الممرضات يفتكروا طبعا ان المدام ولدت يقولهم لااء دا المقاوليين غلب الاتحاد 6 صفر . و طبعا مفيش مقاوليين ولا حدادين بيلعبوا و اساسا مفيش ماتش انما اهى تلاكيييك زى ما احنا عارفيين اخيرا يطلع المحرووس الصغير من اوضه العمليات . ابوه يشيله 3 ثواانى بالعدد و بوسه يمين و بوسه شمال و 3 بوساات للممرضه اللى طلعتهوله و يعلل ذلك انه من فرط فرحته .. عينيهم زاايغه كماا هو معروووووف و دى حقيقه علميه انا كلامى كله من الكتب طبعا عشاان منبقاش بنفترى على حد و اليعاذ بالله .. المهم بعد كده يرووح مطوح الواد فى اى ركن و يرووح للمدام يقولها يالا قومى عشان تحضريلي الغدا انا جوعت بقالى سااعة ونص ماكلتش .. طبعا المدام بتقووم هتعمل ايه يعنى جوزها و حبيبهاو لاااازم تطيعه .. لك الله يا حواء .. لك الله..
تنبيه للأعضاء
مواضيع لم يرد عليها
تغذية rss
أفضل 20عضو
أفضل اعضاء اليوم
جديد المواضيع
مشـــــاركاتي
قوانين المنتدى
التسجيل
الخميس 21 نوفمبر 2019 - 12:14
موضوع: الله عليكي يا حواء 
السبت 29 مايو 2010 - 7:14
