ياجماعه الموضوع ده من عندى ان بجد لو كل واحد فيكم بقى رئيس جمهوريه بجد هيعمل ايه ايه اللى ناقصنا ناقص مصر ياريت كل واحد يتفضل يقولى رايه

حلو انك تفكر فى الموضوع ده بس راءى " هحاول اصلح من الحكومه الفاشله والضباط الى معندهمش ضمير و ولا رحمه بلناس مخلينا نحس ان احنا فى العراق او فلسطين مش مصر"

وده طبعا من الخيال بس طالما خيال يبقى اتكلم براحتى
اول حاجه هعملها انى هطهر الدوله من القيادات الفاسده وذلك عن طريق التحرى وليس بالباطل
ثانيا هأمر بالمعروف وحنهى عن المنكر ومتقوليش ازاى ربنا يعنى
ثالثا : هنشط دعوة علماء الازهر وابرز دورهم من جديد المعتدلين منهم طبعا
لان الدنيا بقت خلطبيطه خالص وطبعا دعوة الاخوة المسيحين لان البلدنا
بتاعتنا احنا الاتنين اقصد ان زى ما فيه مسلم فاسد فيه مسيحى فاسد يبقى
لازم اصلاح الطرفين
رابعا: هعمل زى السعوديه بصراحه فى حكايه جماعه الامر بالمعروف والنهى عن
المنكر دى بس طبعا باعتدال وجادلهم بالتى هى احسن وهقفل جميع المقاهى يوم
الجمعه وقت الصلاة وهقفلها كلها فى رمضان واى حاجه تلهى عن ذكر الله اه فى
ناس هتعمل اللى هى عاوزاه برضه بس عشان متحاسبش قدام ربنا على الرعيه
همنع المحلات من انها تحط الهدوم الزفت اللى بتحطها وهقطع المواقع الاباحيه من النت والدش والقرف اللى بيحصل
يوووووووووووووووووووووه ده انا مش هخلص احلام
اه اخر حاجه هحاكم كل ام سايبه بنتها ماشيه بلبس يقرف فى الشارع وهى ماشيه
فرحانه جنبها لان الموضوع ده استفزنى اوىىىىىىىىىىىى فى الفتره الاخيره دى

افكار رائعه وجميله بارك الله فيكم