مشاكل وحلول انقطاع الانترنت وحلول الروتر

لاحظت فى الفترة الاخيرة انه فيه ناس بتشتكى من بطىء
الدونلوود المستمر وانقطاعات الخط غير المحدودة وعدم وجود
الدعم الفنى المناسب من شركات الانترنت كلها على
السواء(من اول تى داتا لغاية نايل اونلاين) فتعالوا نعرف ايه اللى مبوظ
الدنيا عشان لما تتكلم مع واحد من بتوع الدعم الفنى تبقى فاهم بيقولك
ايه وتعرف تتعامل معاهم ازاى عشان هم بيستغفلوا ومعلش اسف فى اللفظ الناس
اللى مش فاهمه

بصوا يا شباب
مبدئيا لازم نعرف كام تعريف مهمين لنا كلنا
1:SNR:ودى اختصار sound to noise ratio اى
نسبة الصوت الى الشوشرة.

ولو بصينا هنلاقى ان ال Snr تتناسب عكسيا مع نسبة
الشوشرة فى ثبات نسبة الصوت.بمعنى انه كل لما تزيد الSNR فده معناه ان الشوشرة على الخط ضعيفة.

2:Line Attenuation:او بمعنى اصح توهان الخط..ودى بتعتمد
اساسا على المسافة مابينك ومابين السنترال

كده فل..نبدأ الشغل

1:بص يا باشا,قبل متفكر تشترك وتركب خط ADSL عندك.تروح للسنترال التابع لكم وتعمل اختبار
للخط (وده عادى من حقك)وتشوف خطك يقدر يشيل كام(معظم الخطوط فى مصر اخرها 3
ميجا)

2:الناس فى السنترال ادولك التمام,تروح لشركة تي داتا
وانت مغمض عي*****-لا تقولى لينك ولا عباس ولا غيره- وتقدم الاشتراك

3:وصلتك الخدمة,لازم تعمل حاجة مهمه وهى تغيير سلك
التليفون من البوكس الى بيتكم الموقر ويستحسن شراء الاسلاك
النحاسية(ب75 قرش) وبلاش القصدير الله يكرمكم ابو نص
جنيه.

4:غيرت السلك.فل عليك..تكلم الاسطى بتاع الاعطال فى
منطقتكم وتظرفه 29.99 قرش وتقوله ظبطلى الخط من كابينة التليفون.

5:نبتدى نبص على الروتروالاعطال

لو الخط بيعمل معاك رستره مستمرة عندك فى اوقات عشوائية
برجاء انك تبص على SNR
*للحصول على ADSL:لا يقل الSNR عن 10 ديسيبل
*النسبة المثالية:12 ديسيبل
كلما زادت النسبة كلما زادت السرعة التى ستصلك بإذن الله
تعالى

لو لقيت النسبة اقل من 10 تروح للسنترال وتقولهم غيروا
البورت اذا
تكرمتم-وحاول تلاقى واسطه ولو ملاقيتش تبقى تستحمل- لان
دى هى المشكلة القاتلة فى الانترنت الا وهى نسبة
الشوشرة.فنصيحة لو كده شوفلك خط تانى واكشف عليه من
السنترال زى مقلت.
ملحوظة:ياريت تشترى سبليتر كويس(دى لينك من افضل الانواع)
ثانيا:الخط مش بيرستر ولكن بطىء جدا

يبقى لازم نبص على جدول الاخطاء فى الروتر:
1:CRC ERROR:CYCLIC RODUNTARY CHECK
وده الخط المدمر فى الADSL وده بيبقى نتيجة الSNR المنخفض
او نتيجة ان سلك التليفون من البوكس اليك قديم او بقاله
مده(عشان كده قولت هات سلك نحاس)

لو لقيته كتير لازم تقلل نسبة الشوشرة الاول من السنترال
وبعدها تغير السلك(لو السلك متغيرش)

2:FEC ERROR:FORWARD ERROR CORRECTION
او معامل تصويب الخطأ,وده يا شباب الخطأ اللى بتلعب عليه
كل شركات
الانترنت...ازاى؟لما تكلمهم يقولك العيب من السنترال,تروح
للسنترال يقولولك الشركة..وتفضل انت محتار مابين
الاثنين...من الاخر بص على الSNR لقيتها عالية وفوق ال10 ديسيبل تعرف ان العيب مليون المائة من الشركة وتحط
صباعك
فى عين التخين فيهم,لو اقل من 10 ديسيبل اتبع ما ذكر
مسبقا عن تقليل النسبة...

طيب دلوقت برضه الخط تقيل يا اخوانا ومفيش CRC و FEC
3:HEC:HEADER ERROR CORRECTION
وده حضرتك من البوكس ذاته وحله انك تجيب اسطى الاعطال
وتظرفه مبلغ كويس عشان يغيرلك الكلبسة النحاس الموجودة فيه.


تمام..ساعات بلاقى الخط مرة واحدة يقف خالص مع انه كله
تمام والخط شغال والانوار كلها شغالة والWAN IP موجود و الADSLشغال..

ده سيادتك نتيجة ان سيرفر الPPP او اختصارا
POINT TO POINT PROTOCOL بيهنج...وده من الشركة سيادتك
وتكلمهم على كده هيقولولك فيه مشكلة او شىء من هذا
القبيل.حلها بسيط جدا..رستر الروتر


طيب دلوقت فيه حاجة احنا مذكرنهاش ودى لانه من النادر
حدوثها وهى
LCD FAILURE
ودى نتيجة خلل ما فى روتر الشركة ذات نفسه.
وكلامى هذا لا ينطبق على الروترات ذات الشريحة CONEXANT لانها تترجم كل هذة الاخطاء الى CRC ERROR...

كده يبقى احنا شملنا كل حاجة ممكن تخلى خط ال ADSL عندك بطىء.وزى مقولنا ان العبء الاكبر يقع على
السنترال اكثر مما يقع عليه من الشركة
وشكرا

الموضوع الأصلي : مشاكل وحلول انقطاع الانترنت وحلول الروتر   المصدر : منتديات اصدقائى تو

الموضوع الأصلي : مشاكل وحلول انقطاع الانترنت وحلول الروتر   المصدر : منتديات اصدقائى تو

الموضوع الأصلي : مشاكل وحلول انقطاع الانترنت وحلول الروتر   المصدر : منتديات اصدقائى تو